ពិតឬទេ? សុខ សុម៉ាវត្តី ចូលរោងការព្រឹកមិញជាមួយនឹងបុរសសង្ហាម្នាក់

តារា​សម្តែង​អ្នក​នាង​សុខ សុ​ម៉ា​វ​ត្តី កំពូលតារាសម្តែងស្រីឆ្នើមមួយរូបនៅកម្ពុជា និងមានចរឹតក្រម៉ិចក្រម៉ើម គួរឲ្យក្នក់ក្នាញ់ សព្វថ្ងៃនេះត្រូវបានមហាជនសង្កេតថាពិតជាមមាញឹកជាមួយនឹងវិស័យសិល្បៈដោយតែងតែមានវត្តមានអ្នកនាងក្នុងខ្សែភាពយន្ត និងស្ពតពាណិជ្ជកម្មជាច្រើន ។ យ៉ាងណាមិញនៅថ្ងៃនេះ អ្នកនាង បានធ្វើឲ្យអ្នកគាំទ្រជាច្រើនមានការភ្ញាក់ផ្អើលជាខ្លាំង ដោយរូបភាពជាច្រើនសន្លឹក ដែលបានបង្ហោះ​បង្ហាញនូវសកម្មភាព សុខ សុម៉ាវត្តី ក្នុងឈុតកូនក្រមុំ ចូលរោងការជាមួយនឹងបុរសស្រស់សង្ហាម្នាក់។ ដោយខាងកូនកម្លោះបានសរសេរថា៖

“ក្តីស្រម៉ៃក្លាយជាការពិតទីបំផុតបានកាន់ដៃ Idol ចូលរោងជ័យ កុំភ្លេចចូលរួមទាំងអស់គ្នានៅថ្ងៃមង្គលរបស់ពួកយេីងទាំងពីរ។ Sok Somavotey ១៣ កក្កដា ២០១៨ អរគុណសំអាងការពិធីមង្គល”។ ក្រោយពីបានបង្ហោះសារ និងរូបភាពបែបនេះមានមហាជនជាច្រើនបានចោទជាសំណួរថា ជាការពិតដែលឬទេ ដែល សុខ សុម៉ាវត្តី ពិតជាចូលរោងការ ឬមួយក៏គ្រាន់តែជាឈុតមួយនៅក្នុងរឿងថ្មី។ ប៉ុន្តែក៏មានការអះអាងពីអ្នកគាំទ្រថានេះគ្រាន់តែជាឈុតសម្តែងតែប៉ុណ្ណោះ ដោយកូនកម្លោះនោះត្រូវបានគេស្គាល់ថាជាពិធីករនៅស្ថានីយទូរទស្សន៍ឈ្មោះ សុខ សាន់នី៕