បេឡា ចូលមកដល់វេទិកាភ្លាមធ្វើអោយហ្វេនសប្បាយចិត្តហួសស្មានក្នុងកម្មវិធីជំនួបតារា របស់ស្ថានីយ៍ទូរទស្សន៍ ភី អិន អិន

បេឡា គឺជាតារាសម្តែងថៃស្រីមួយរូបដែលមានឈ្មោះបោះសម្លេងខ្លាំងមិនថាក្នុងស្រុកថៃ និងក្នុងប្រទេសកម្ពុជាទេ ជាពិសេសនៅក្នុងរឿង បុព្វេសន្និវាស ថ្មីៗនេះតែម្តងដែលមានការគាំទ្រខ្លាំងពីសំណាក់ទស្សនិកជននៅប្រទេសកម្ពុជា។​ ហើយកាលពីថ្ងៃទី ១១ ខែកក្កដា កន្លងទៅនេះកញ្ញា បេឡា ក៏បានចូលរួមក្នុងកម្មវិធី ជំនួបតារាភីអិនអិន២០១៨ ដើម្បីអបអរក្នុងឱកាសគម្រប់ខួប៣ឆ្នាំរបស់ស្ថានីយទូរទស្សន៍ភីអិនអិនក្នុងឆ្នាំ២០១៨ ដែលបានសហការជាមួយក្រុមហ៊ុន Smart Axiata ក្នុងការនាំ បេឡា ជួបហ្វេននៅប្រទេសកម្ពុជា។

គួរបញ្ជាក់ផងដែរថា បេឡា ធ្លាប់បានមកកាន់ទឹកដីនៃប្រទេសកម្ពុជាម្តងរួចមកហើយ ចំពោះលើកនេះគឺជាលើកទី២ ហើយដែល​ បេឡា បានមកប្រទេសកម្ពុជា ដោយមានការស្វាគមន៍យ៉ាងកក់ក្តៅពីសំណាក់ក្រុមកាងារនៃស្ថានីយទូរទស្សន៍ភីអិនអិន និងអ្នកគាំទ្ររបស់ខ្លួនយ៉ាងច្រើនកុះករ តាមរយៈការអញ្ជើញពីស្ថានីយទូរទស្សន៍

ភីអិនអិន៕