បាត់មុខពីសិល្បៈជាង១០ឆ្នាំ ឡាយ លក្ខិណា ស្រាប់តែលេចមុខជាថ្មីក្នុងខ្សែភាពយន្តភាគរបស់ ហង្សមាស (មានវីដេអូ)

តារាចម្រៀងនិងសម្តែងល្បីឈ្មោះជំនាន់ឆ្នាំ២០០០ អ្នកនាង ឡាយ លក្ខិណា បានវិលត្រលប់ចូលសិល្បៈវិញ ក្រោយពីបានផ្អាកអស់រយៈពេលយ៉ាងយូរ។ ក្រោយពីវិលចូលសិល្បៈភ្លាមអ្នកនាង ឡាយ លក្ខិណា ក៏បានចូលរួមសម្តែងខ្សែរភាពយន្តភាគឲ្យស្ថាន័យ ទូរទស្សន៍ដ៏ពេញនិយមហង្សមាស HDTV ភ្លាមផងដែរ ដែលអ្នកនាងបានបញ្ជាក់ថានេះគឺជាខ្សែរភាពយន្តភាគ ដំបូងហើយសម្រាប់អ្នកនាងក្នុងការដែលត្រលប់ចូលសិល្បៈវិញនេះ។

តារាសម្តែងដែលជាប់ឈ្មោះជាស្រីស្អាតបួនដួងអំឡុងឆ្នាំង២០០០រូបនេះបានបន្ថែមថា អ្នកនាងពិតមាន អារម្មណ៍សប្បាយចិត្តក្នុងការត្រលប់ចូលសិល្បៈវិញ ហើយរឹតតែសប្បាយចិត្តពេលដែលបានសម្តែងរឿងភាគ ’’ផ្កាថ្ម’’ ឲ្យទូរទស្សន៍ហង្សមាស ដោយអ្នកនាងជឿជាក់ថារឿងភាគមួយនេះនឹងទទួលបានការគាំទ្រខ្លាំងពី ទស្សនិកជន៕