សៀក១ក្បាច់របស់បេក្ខជននេះ មើលហើយប្រហោងពោះ ឯ Judge ភ័យសឹងសន្លប់កណ្ដាលឆាក
វគ្គ Audition នៃកម្មវិធី America's Got Talent ឆ្នាំ ២០១៨ បានបញ្ចប់ហើយនៅសប្ដាហ៍ទី ៦ ហើយគិតមកទល់ពេលនេះមានបេក្ខជនជាច្រើនត្រៀមខ្លួនជាបន្តបន្ទាប់សម្រាប់បង្ហាញមុខនៅវេទិកាអស្ចារ្យនេះ។
តួយ៉ាងវគ្គ Guest judge ក៏នឹងចាប់បញ្ចាំងជាផ្លូវការនៅថ្ងៃទី ១៧ ខែកក្កដាខាងមុខឯណោះ ប៉ុន្តែកម្មវិធីបានបង្ហាញឃ្លីបវីដេអូមួយពីការសម្ដែងសមត្ថភាពព្រឺព្រួចពីបេក្ខជនមិនចេះមាត់ម្នាក់មានឈ្មោះ Aaron Crow។
បេក្ខជនរូបនេះបានបង្កឲ្យគ្រប់គ្នាភ្ញាក់ផ្អើលម្ដងរួចមកហើយនៅវគ្គ Audition ហើយពេលនេះលោកបានវិលមកវិញជាមួយការសម្ដែងធ្វើឲ្យគ្រប់គ្នាស្រៀវខ្លួន ជាពិសេសគណៈកម្មការ Heidi Klum និងគណៈកម្មការកិត្តិយស Ken Jeong ភ័យស្ទើរគាំងជាងគេ។
Aaron បានហៅគណៈកម្មាការ ២រូបខាងលើមកលើឆាក ហើយសុំដោះចិញ្ចៀនរបស់ Heidi ញាត់ចូលក្នុងផ្លែប៉ោម។
មិនបង្អង់យូរ លោកក៏បាញ់ចំប៉ោមនោះ ហើយកាន់តែភ្ញាក់ផ្អើលគឺ ចំទាំងចិញ្ចៀនរបស់ Heidi ក្នុងនោះទៀត។ ឈុតឆាកសម្ដែងនេះ ពិតជាគ្រោះថ្នាក់ ប៉ុន្តែវាក៏បង្កឲ្យទស្សនិកជនអស់សំណើចដែរ ពេលឃើញទឹកមុខគណៈកម្មការទាំងអស់៕
ទស្សនាវីដេអូទាំងស្រុងដូចខាងក្រោម៖
អត្ថបទៈ Anny
No comments: