តើ Real Madrid នឹងមានទម្រង់លេងបែបណាពេលគ្មានវត្តមាន​ Ronaldo?

ម្ចាស់ពានរង្វាន់ Ballon d’Or ប្រាំសម័យកាល Cristiano Ronaldo បានផ្លាស់ទៅក្លឹប Juventus នៅសប្តាហ៍នេះនៅក្នុងកិច្ចព្រមព្រៀងផ្ទេរដ៏ធំហើយក្រុមលោក Los Blancos នឹងត្រូវរៀបចំគម្រោងខ្សែប្រយុទ្ធរបស់ពួកគេដោយគ្មានរូបគាត់។ Ronaldo បានរកគ្រាប់បាល់បាន 450 គ្រាប់ក្នុងការបង្ហាញខ្លួន 438 ប្រកួតរបស់គាត់សម្រាប់ក្រុម Real ដែលបានឈ្នះពានរង្វាន់ចំនួន 16 លើកក្នុងនោះរួមមានពានរង្វាន់ក្របខ័ណ្ឌ Champions League ចំនួន 4 លើកក្នុងរយៈពេលប្រាំឆ្នាំចុងក្រោយនិងបីដងជាប់ៗគ្នាក្រោមការដឹកនាំរបស់លោក Zinedine Zidane។

Kylian Mbappe គឺជាកីឡាករមួយដែលគួរឲចាប់អារម្មណ៍នៅ World Cup នារដូវក្តៅនេះហើយរូបគេគឺជាកីឡាករដែល Real Madrid ចង់នាំមកនៅរដូវក្តៅមុន។ ខ្សែប្រយុទ្ធវ័យ 19 ឆ្នាំរូបនេះអាចជំនួសកីឡាករ​ Ronaldo នៅខាងស្តាំសម្រាប់ក្រុម Real Madrid ខណៈដែលកីឡាករ Gareth Bale បានវិលត្រឡប់ទៅកាន់តំណែងមុនរបស់គាត់នៅខាងឆ្វេង។

ប្រភព​: Goal