ទីបំផុត! ថៃ បញ្ចេញវីដេអូក្មេងថៃទាំង១៣ នៅមន្ទីរពេទ្យ ក្រោយចេញពីរូងភ្នំថាំហ្លួង (មានវីដេអូ)
អគ្គនាយកដ្ឋានទំនាក់ទំនងសាធារណៈថៃ កាលពីថ្ងៃទី១១ កក្កដាម្សិលមិញ បានបញ្ចេញនូវវីដេអូដំបូងបង្អស់របស់ក្មេងៗកីឡាករបាល់ទាត់ថៃ ដែលកំពុងសម្រាកព្យាបាលនៅឯមន្ទីរពេទ្យ បន្ទាប់ពីពួកគេ ត្រូវបានជួយសង្គ្រោះចេញពីរូងភ្នំថាមលួង។
ក្មេងៗ កំពុងសម្រាកព្យាបាលនៅមន្ទីរពេទ្យ
ក្មេងប្រុសទាំងនោះ ត្រូវបានមើលឃើញថា មានសុខភាពល្អប្រសើរ ព្រមទាំងបានធ្វើកាយវិការបញ្ជាក់ពីភាពវិជ្ជមាន។
យោងតាមប្រធានមន្ទីរពេទ្យ លោក Chaiwetch Thanapaisal បានបញ្ជាក់ថា ក្មេងប្រុសទាំង១២នាក់ និងគ្រូបង្វឹក កំពុងសម្រាកព្យាបាល និងទទួលថ្នាំ រួមទាំងការថែទាំសុខភាពរាងកាយ នៅឯមន្ត្រីពេទ្យក្រុងឈៀងរ៉ៃ។ ពួកគេ អាចនឹងសម្រាកព្យាបាលនៅមន្ទីរពេទ្យរហូតដល់១០ថ្ងៃ និង៣០ថ្ងៃ ទទួលការតាមដាននៅផ្ទះ។
គួរបញ្ជាក់ថា ក្រុមកីឡាករបាល់ទាត់ទាំង១៣ នាក់ ត្រូវបានជួយសង្គ្រោះចេញពីល្អាងភ្នំថាមលួងទាំងអស់ហើយ នៅល្ងាចថ្ងៃទី១០ ខែកក្កដា រួចត្រូវបានបញ្ជូនទៅកាន់មន្ទីរពេទ្យដើម្បីសម្រាកព្យាបាល៕
សូមទស្សនាវីដេអូ៖
No comments: