Pacquiao ចំណាយតែ៧ទឹកយកបានខ្សែក្រវាត់ពិភពលោកពី Lucas
ក្នុងការវិលចូលសង្វៀនវិញ អ្នកប្រដាល់ហ្វីលីពីន Manny Pacquiao បានបំបាក់កីឡាករអាហ្សង់ទីន Lucas Matthysse ដណ្ដើមបានខ្សែក្រវាត់ WBA world welterweight មុននេះបន្តិច។
ការប្រកួតដែលរៀបចំក្នុងទីក្រុងកូឡាឡាំពួរប្រទេសម៉ាឡេស៊ី Pacquiao វ័យ៣៩ឆ្នាំចំណាយពេលត្រឹមតែ៧ទឹកប៉ុណ្ណោះ ដើម្បីយកឈ្នះ Lucas។ ចាប់ផ្ដើមពីទឹកទី១ដល់ទី៧ ជើងខ្លាំងប្រចាំតំបន់អាស៊ីបានដើរតួនាទីជាអ្នកដើរចូលរហូតនិងបោះកណ្ដាប់ដៃពេញៗ ធ្វើឲ្យ Lucas វ័យ៣៥ឆ្នាំត្រូវអាជ្ញាកណ្ដាលរាប់ជារឿយៗ។
ក្នុងទឹកទី៧ដោយសារតែមិនអាចទ្រាំទ្រកណ្ដាប់ដៃធ្ងន់ៗរបស់ Pacquiao បានម្ចាស់ខ្សែក្រវាត់ Lucas សម្រេចចិត្តបោះបង់ការប្រកួតត្រឹមទឹកនេះតែម្ដង។ នេះជាជ័យជម្នះលើកដំបូងរបស់ Pacquiao ចាប់តាំងពីចាញ់អ្នកប្រដាល់អូស្ត្រាលី Jeff Horn កាលពីឆ្នាំ២០១៧៕
No comments: