ទើបតែវាយឈ្នះខ្សែក្រវ៉ាត់ថ្ងៃមុន ឥលូវ Pacquiao ត្រូវមកអំពុលទុក្ខ ដោយសារការបង្ហោះបែបនេះនៅលើហ្វេសប៊ុក

កាលពីថ្ងៃអាទិត្យកន្លងទៅថ្មីៗនេះ ស្តេចប្រដាល់នៅតំបន់អាស៊ី Manny Pacquiao ទើបតែវាយឈ្នះកំពូលអ្នកប្រដាល់ Lucas Matthysse ហើយបានឈ្នះខ្សែក្រវ៉ាត់លំដាប់ពិភពលោក ស្រាប់តែពេលថ្មីៗនេះ លោក Pacquiao ត្រូវមកអំពុលទុក្ខ ដោយសារតែមាន Page Facebook បានប្រើឈ្មោះលោក ហើយបង្ហោះថា លោកនឹងចែកផ្ទះដ៏ស្រស់ស្អាតចំនួន៦០ខ្នង ដោយមិនយកលុយសូម្បីមួយរៀល។

Page Facebook នោះមានឈ្មោះ “Sen. Manny Pacquiao” បង្ហោះថា ដើម្បីឈ្នះផ្ទះនោះ អ្នកចូលរួមត្រូវចុច Like របស់ Page នោះ បន្ទាប់មក Share Post នោះ ហើយ Comment ពាក្យថា “congrats”។ មួយសន្ទុះក្រោយមក រូបភាពនោះត្រូវបានគេចុច Like និង Share រាប់ម៉ឺនរាប់សែនបង្កឲ្យមានការភ្ញាក់ផ្អើលតែម្តង។ ប៉ុន្តែទោះជាយ៉ាងណាការបង្ហោះនោះមិនមែនជាការពិតឡើយ ហើយ Page នោះគឺជា Page ក្លែងក្លាយតែប៉ុណ្ណោះ ព្រោះមិនមានការអះអាងណាមួយចេញពី Page ផ្លូវការរបស់លោក Pacquiao ឡើយ។ នេះមិនមែនជាលើកទី១ឡើយ ដែលមានគេក្លែងបន្លំ Page របស់លោក Manny Pacquiao មកបង្ហោះបំពុលបែបនេះ កាលពីឆ្នាំកន្លងទៅក៏ធ្លាប់មានករណីបែបនេះដែរ៕

ប្រភព៖ nextshark