ស្ងាត់ៗស្រាប់តែចេញ Trailer រឿងកប៉ាល់ទីតានិកវគ្គ ២ ធ្វើឱ្យគ្រប់គ្នាភ្ញាក់ផ្អើលយ៉ាងខ្លាំង! (វីដេអូ)
គ្រាន់តែ Trailer នៃខ្សែភាពយន្តដ៏អស្ចារ្យរឿងកប៉ាល់ទីតានិកវគ្គ ២ ដែលបញ្ជាក់ពីការត្រឡប់មកវិញរបស់តួអង្គប្រុសលោក Jack (Titanic 2: Jack’s back) ចេញមកភ្លាមទទួលបានការចូលមើលរហូតដល់ទៅជាង ៤៦,៦ លានដងឯណោះ និង មានអ្នកចូលចិត្តជាច្រើននាក់ថែមទៀត ។
ជាការពិតការទាក់ទាញរបស់កប៉ាល់ទីតានិកក្នុងរយៈពេល ២០ ឆ្នាំកន្លងមកនេះមិនដែលត្រូវបានកាត់បន្ថយនោះទេ ។ បន្ទាប់ពីរយៈពេល ២០ ឆ្នាំនៃវគ្គដំបូងរួចមក គឺរដូវកាលទី ២ នៃរឿងទីតានិក បានចេញផ្សាយជា Trailer ដោយមានតួអង្គប្រុស Jack ត្រូវការពារខ្លួនប្រឆាំងនឹងកងកម្លាំងប៉ូលិសពុករលួយនៅក្នុងទីក្រុងចម្លែកមួយ និង ស្វែងរកការពិតអំពីការលិចនៃកប៉ាល់ទីតានិក ។
តាមរយៈសាច់រឿងវគ្គ ២ នេះគេមិនដឹងថាតើ Jack អាចរកឃើញតួអង្គស្រីនាង Rose នៅក្នុងអតីតកាលដែរឬទេ ឬក៏នាងពិតជាស្លាប់មែនទៅហើយ ? តែទោះជាយ៉ាងណាក៏ដោយឥឡូវនេះគឺ Jack នៅតែម្នាក់ឯង ។
សូមបញ្ជាក់ផងដែរថា នៅក្នុងសាច់រឿងកប៉ាល់ទីតានិកវគ្គ ២ នេះដែរ Jack ត្រូវបានគេនាំយកមកពីបាតសមុទ្របន្ទាប់ពីស្លាប់អស់រយៈពេលជាង ១០០ ឆ្នាំ ។ ប៉ុន្តែការពិតគាត់គ្រាន់តែកកនៅក្នុងដុំទឹកកកមួយដុំតែប៉ុណ្ណោះ ។ ដោយបានដេកនៅក្នុងដុំទឹកកកជាងមួយសតវត្សរ៍ Jack មិនអាចសម្របខ្លួនទៅនឹងបរិយាកាសធម្មតាបានទេ ហើយគាត់ត្រូវរស់នៅក្នុងបន្ទប់ត្រជាក់មួយ ៕
សូមទស្សនាវីដេអូ៖
ដោយ៖ Anny (ប្រភព៖ feedytv)
No comments: